Maryam: Ishara kwa Walimwengu
Alikuwa Zakariya kila anapoingia kwa Mariam hukuta riziki ya matunda, alipomuuliza kuhusu matunda hayo alijibu kwa uwazi: (Riziki hii yatoka wa Allah). Hivi ndivyo kinavyoanza kisa cha Mariam katika Qur’ani … kwa moyo unaofahamu kuwa riziki ya Allah inaweza kuja pasina binadamu kutarajia.
Maryam: Ishara kwa Walimwengu
Kabla ya Issa kuzaliwa, Mariam alijiwa na habari: (Jina lake ni Masihi Issa mwana wa Mariam). Na Qur’ani inamsifu kwamba yeye ni mwenye hishima katika dunia na akhera na miongoni mwa waliowekwa karibu na Allah. Kwa ajili hiyo huwezi kufahamu mtazamo wa uislamu juu ya Issa pasina kusoma kisa cha Mariam.
Kaptula
Aya
kadi
Basi Mola wake akampokea kwa mapokezi mazuri na akamkuza makuzi mazuri na akampa Zakaria jukumu la kumlea. Zakaria kila alipoingia kwa Mariamu katika Mihirabu alikuta ana riziki (ya vyakula). Akasema: Ewe Mariamu, unavipata wapi (vyakula) hivi? Akasema: Vinatoka kwa Allah. Hakika Allah anampa riziki amtakaye bila ya hesabu
Alikuwa Zakariya kila anapoingia kwa Mariam hukuta riziki ya matunda, alipomuuliza kuhusu matunda hayo alijibu kwa uwazi: (Riziki hii yatoka wa Allah). Hivi ndivyo kinavyoanza kisa cha Mariam katika Qur’ani … kwa moyo unaofahamu kuwa riziki ya Allah inaweza kuja pasina binadamu kutarajia.
Na (kumbuka) Malaika walipo-sema: Ewe Mariamu, hakika Allah amekuteua na amekutakasa, na amekuteua kuliko wanawake wa walimwengu wote Ewe Mariamu, mnyenyekee Mola wako na sujudu na rukuu pamoja na wenye kurukuu
Qur’ani inazungumza na Mariam kwa maneno ya wazi: (Kwa hakika Allh amekuchagua, na amekutakasa). Nafasi hii haikuwa kwa sababu ya ukoo, au utajiri, isipokuwa ni kwa usafi, na imani, na ibada. Mariam katika Qur’ani ni mwanamke aliyechaguliwa na Allah, na akakipandisha cheo chake kati ya wanawake wa ulimwenguni.
(Kumbuka) Malaika waliposema: Ewe Mariamu, hakika Allah anakubashiria (mtoto atakayepatikana) kwa neno kutoka kwake. Jina lake ni Masihi Isa bin Mariamu. Ni mwenye heshima duniani na akhera, na ni miongoni mwa watakaokurubishwa Na atazungumza na watu akiwa mtoto mchanga na akiwa mtu mzima, na atakuwa miongoni mwa watu wema
Kabla ya Issa kuzaliwa, Mariam alijiwa na habari: (Jina lake ni Masihi Issa mwana wa Mariam). Na Qur’ani inamsifu kwamba yeye ni mwenye hishima katika dunia na akhera na miongoni mwa waliowekwa karibu na Allah. Kwa ajili hiyo huwezi kufahamu mtazamo wa uislamu juu ya Issa pasina kusoma kisa cha Mariam.
Na mtaje Maryamu katika Kitabu, pale alipo jitenga na jamaa zake mahali upande wa mashariki Na akaweka pazia kujikinga nao. Tukampelekea Roho wetu (Malaika Jibrili), akajifananisha kwake sawa na mtu (Maryamu) akasema: Hakika mimi najikinga kwa Mwingi wa Rehema aniepushe nawe, ukiwa ni mcha Mungu (Malaika) akasema: Hakika mimi ni mwenye kutumwa na Mola wako Mlezi ili nikubashirie tunu ya mtoto aliye takasika
Mariam alipomuona mwanaume wa ajabu mbele yake, maneno yake ya kwanza yalikuwa ni: (Hakika mimi najilinda kwa Mwingi wa Rehema aniepushe nawe). Mariam hakuwa anajua kwamba mgeni huyu amebeba ujumbe kutoka kwa Allah, na bishara ya kijana msafi. Wakati wa hofu … utakuwa mwanzo mmoja wa kipekee katika visa mashuhuri vya imani katika historia.
Akasema: Nitampataje mtoto hali mwanaadamu yeyote hajanigusa, wala mimi si kahaba? (Malaika) akasema: Ndio hivyo hivyo! Mola wako Mlezi amesema: Haya ni mepesi kwangu! Na ili tumfanye kuwa ni Ishara kwa watu, na Rehema itokayo kwetu, na hilo ni jambo lilio kwisha hukumiwa
Mariam aliuliza swali la asili: Vipi nitakuwa na mtoto ilihali hakuna binadamu aliyenigusa? Likamjia jibu: (Hilo kwangu ni lepesi mno). Na inaeleza Qur’ani kwamba kuzaliwa Issa ilikuwa ni (Ishara kwa watu na Rehema kutoka kwetu). Muujiza ambao halikuwa ndio lengo lenyewe, bali ilikuwa ni alama inayomfanya binadamu afikirie.
Basi akachukua mimba yake, na akaondoka nayo mpaka mahali pa mbali Kisha uchungu ukampeleka kwenye shina la mtende; akasema: Laiti ningelikufa kabla ya haya, na nikawa niliye sahaulika kabisa! Pakatangazwa kutoka chini yake: Usihuzunike! Hakika Mola wako Mlezi amejaalia chini yako kijito kidogo cha maji!
Qur’ani haikuficha wakati wa udhaifu wa Mariam. Alipofikwa na uchungu wa kujifunngua alisema: (Laiti ningekufa kabla ya haya). Kisha ukamjia wito: (Usihuzunike). Hata mwanamke aliyechaguliwa na Allah alipitia wakati aliohisi ndani yake kuwa yeye hawezi kuvumilia.
Na litikise kwako hilo shina la mtende, utakuangushia tende nzuri zilizo mbivu Basi kula, na kunywa, na litue jicho lako. Na pindi ukimwona mtu yeyote basi sema: Hakika mimi nimeweka nadhiri kwa Allah ya kufunga; kwa hivyo leo sitasema na mtu
Katika wakati mgumu wa uchungu kwa Mariam, hayakuja maneno magumu: Tikisa shina la mtende, kula, kunywa, na litulie jicho lako. Qur’ani inachora mandhari rahisi ya huruma … haja ya binadamu ya chakula na amani na utulivu havifichiki kamwe kutoka kwa ujuzi wa Muumba wake.
Akawaashiria kwa mtoto. Wakasema: Vipi tumsemeshe aliye bado mdogo yumo katika bebeo (Issa) akasema, (hali ya kuwa ni mtoto mchanga): Mimi ni mja wa Allah, Amenipa Kitabu, (nacho ni Injili), na amenifanya Nabii
Na amenijaalia ni mwenye kubarikiwa popote pale niwapo. Na ameniusia Sala na Zaka maadamu nipo hai
Issa alipozungumza katika utoto, Qur’ani inanukuu neno lake la kwanza: “Kwa hakika mimi ni mja wa Allah …. Na amenifanya kuwa Nabii”. Kisha akazungumzia sala na baraka. Hakika ni wakati muhimu sana wa kuelewa picha ya Masihi katika Qur’ani … kama Qur’ani yenyewe inavyoitoa.
Na mwanamke aliye linda uke wake, na tukampulizia katika roho yetu, na tukamfanya yeye na mwanawe kuwa ni Ishara kwa walimwengu
Inasema Qur’ani kuhusu Mariam: “Aliyehifadhi ubikra wake”, kisha inasema kuhusu Mariam huyo na mwanawe: “Na tukamfanya yeye na mwanawe kuwa ni ishara kwa walimwengu”. Kumtukuza Mariam katika uislamu kunafungamana na usafi wake, na imani yake, na kuzaliwa Issa ni ishara inayopita wakati wa Mariam na sehemu yake.
Na Mariamu binti wa ‘Imrani ambaye amehifadhi tupu yake (aliye linda ubikira wake), Tukampulizia humo (katika nguo yake) kupitia kwa Roho Wetu (Jibrili), na akasadikisha Maneno ya Mola wake, na Vitabu Vyake, na akawa miongoni mwa watiifu na wanyenyekevu
Sehemu nyingine, Qur’ani inamfupisha Mariam kwa maneno machache: “Msafi, mwenyekuamini maneno ya Mola wake Mlezi, na vitabu vyake, na ni katika watiifu. “Na akasadikisha maneno ya Mola wake Mlezi na vitabu vyake”. Labda kwa hili Qur’ani haikumtaja Mariam tu … bali imemfanya kuwa mfano kwa imani.
