Ya ku waxanda suka yi imani, kada wasu mutane su yi wa wasu mutane izgili

Ya ku waxanda suka yi imani, kada wasu mutane su yi wa wasu mutane izgili, mai yiwuwa ne su zamanto sun fi su alheri, kuma kada wasu mata (su yi wa) wasu mata (izgili), mai yiwuwa ne su zamanto sun fi su alheri; kada kuma ku riqa aibata junanku, kuma kada ku riqa jifan juna da munanan laquba (da kuke qi). Tir da sunan fasiqanci bayan imani. Wanda duk bai tuba ba, to waxannan su ne azzalumai. [Hujurat: 11]

Katika masu alaka

Nuna katika

Bayin (Allah) Mai rahama kuwa (su ne) waxanda suke tafiya a bayan qasa a natse

“Bayin (Allah) Mai rahama kuwa (su ne) waxanda suke tafiya a bayan qasa a natse; idan kuma wawaye sun yi musu magana (sai) su faxa (musu) magana ta aminci. (Su ne) kuma waxanda suke kwana suna masu sujjada da tsayuwa ga Ubangijinsu. [Furqan: 63-64]

13 8

yauta ta haqiqa ba ta da wani lokaci da aka kevance mata na musamman,

Kyauta ta haqiqa ba ta da wani lokaci da aka kevance mata na musamman, na dare ko rana, a asirce ko a bayyane.Yayin da zuciya ta cika da alheri, to za ta samu hanyar fuskantar wasu da alheri.#Karamci #Ciyarwa #Hasken_Alqur’ani

15 9

Kuma ku yi riqo da igiyar Allah gaba xaya, kada kuma ku rarraba.

Kuma ku yi riqo da igiyar Allah gaba xaya, kada kuma ku rarraba. Kuma ku tuna ni'imar Allah da Ya yi muku yayin da kuka zamo abokan gaban juna sai Ya haxa tsakanin zukatanku, sai kuka zamo 'yan’uwan juna a sakamakon ni'imarsa, a da kuma kun kasance a kan gavar ramin wuta sai Ya tserar da ku daga gare ta. Kamar haka ne Allah Yake bayyana muku ayoyin...

86 8

To saboda rahama ta musamman daga Allah...

To saboda rahama ta musamman daga Allah, sai ka zamo mai tausasawa gare su; in da kuwa ka kasance mai kaushin mu’amala, mai qeqasasshiyar zuciya ne, to da sun watse sun bar ka. To ka yi musu afuwa, kuma ka nema musu gafara, kuma ka nemi shawararsu cikin duk lamura; amma idan ka riga ka qulla niyya, to ka dogara ga Allah. Lalle Allah Yana son masu d...

87 8

Kuma ku bauta wa Allah (Shi kaxai), kada ku haxa Shi da komai;

Kuma ku bauta wa Allah (Shi kaxai), kada ku haxa Shi da komai; kuma ku kyautata wa iyaye da dangi makusanta da marayu da talakawa da maqwabci makusanci da maqwabci na nesa, da abokin da ake tare da kuma matafiyi da bayinku. Lalle Allah ba Ya son duk wanda ya kasance mai taqama, mai yawan fariya. [Nisa’i: 36]

15 8

Idan kuma suka yi niyyar yaudarar ka, to lalle Allah Ya ishe ka.

Idan kuma suka yi niyyar yaudarar ka, to lalle Allah Ya ishe ka. Shi ne wanda Ya qarfafe ka da taimakonsa da kuma muminai. Ya kuma haxa tsakanin zukatansu. Idan da za ka kashe duk abin da yake bayan qasa gaba xaya ba za ka iya haxa tsakanin zukatansu ba, amma kuma Allah Ya haxe tsakaninsu. Lalle Shi Mabuwayi ne Mai hikima. [Anfal: 62-63]

15 9

Language

Ya ku waxanda suka yi imani, kada wasu mutane su yi wa wasu mutane izgili