Ma'anar Rayuwa a Hasken Alkur'ani

“(Allah Ya ce da su): “Ko kuna tsammani ne cewa Mun halicce ku ne ba manufa kuma ku ba za a dawo da ku gare Mu ba?” To Allah Sarki na gaskiya Ya xaukaka; babu wani abin bauta da gaskiya sai Shi, (Shi ne) Ubangijin Al’arshi mai girma. [Muminun: 115-116)

Rayuwarka ba don wargi aka samar da ita ba, ko wane minti xaya na rayuwa yana da manufa mai zurfi.

Muna kan hanyar tafiya ne zuwa Allah Mahalicci, kuma komawa zuwa gare shi ita ce babbar manufarmu.

#Manufa

“(Allah Ya ce da su): “Ko kuna tsammani ne cewa Mun halicce ku ne ba manufa kuma ku ba za a dawo da ku gare Mu ba?” To Allah Sarki na gaskiya Ya xaukaka; babu wani abin bauta da gaskiya sai Shi, (Shi ne) Ubangijin Al’arshi mai girma. [Muminun: 115-116)

Kowane mataki na rayuwarka yana da ma’ana, kuma komawa zuwa ga Allah shi ne maqura. Ba a haliccemu don wasa ba.

#Komawa_Zuwa_ga_ Allah

Ban halicci aljanu da mutane ba sai don su bauta min. Ba Na neman wani arziki a wurinsu, kuma ba Na neman su ciyar da Ni. [Zariyat 56-57]

Allah ya haliccemu ne don mu bauta masa kawai, shi Mawadaci daga buqatar wani abu daga wurinmu.

Babbar munafa a rayuwarmu ba a cikin arziqi ko abinci take ba, a’a tana samun kusanci da Allah Mahalicci da bauta ta gaskiya.

#Bauta_Ta Gaskiya

Ban halicci aljanu da mutane ba sai don su bauta min. Ba Na neman wani arziki a wurinsu, kuma ba Na neman su ciyar da Ni. [Zariyat 56-57]

Manufar halittarmu shi ne tsantsanta bauta ga Allah, ba mu tara arziqi ko abinci ba.

#Manufar_Ruhi

Yanz mutum yana tsammanin za a bar shi haka sasakai? Shin bai kasance wani xigo na maniyyi da ake zuba shi (a mahaifa) ba? Sannan ya zama gudan jini sannan (Allah) Ya halicce (shi) sai Ya daidaita (shi)? [Alqiyama: 36-38]

Ba a halicci mutum ba ba tare da manufa ba, tafiyarmu tana farawa ne daga qaramin xigon maniyyi, sannan mu wayi gari mun zama cikakkiyar halitta.

Duk da wannan ta ya ya rayuwarmu za ta zamo babu manufa a cikin halittarta.

#Ka yi tunani

Yanz mutum yana tsammanin za a bar shi haka sasakai? Shin bai kasance wani xigo na maniyyi da ake zuba shi (a mahaifa) ba? Sannan ya zama gudan jini sannan (Allah) Ya halicce (shi) sai Ya daidaita (shi)? [Alqiyama: 36-38]

Daga wani qaramin mataki da ba a iya gani, zuwa matakin mutum da yake iya ji yake gani yake kuma yin tunani.

#Ka sa lura

Kuma ga Allah ne mulkin sammai da qasa yake. Kuma Allah Mai iko ne a kan komai. Lalle a cikin halittar sammai da qasa da sassavawar dare da rana, tabbas akwai ayoyi ga ma’abota hankula. [Ali Imran: 189-190]

Ka kalli sama da qasa da jujjuyawar dare da yini, wannan tsarin da suke tafiya a kai ba haka kawai ya faru ba, a’a tsari ne na Allah Mahalicci wanda ya mallaki duniya ya kuma kyautata halittarta.

Duk wanda zai yi tunani, to zai riski haqiqanin gaskiyar lamari.

#Dalilan_Halitta

Kuma ga Allah ne mulkin sammai da qasa yake. Kuma Allah Mai iko ne a kan komai. Lalle a cikin halittar sammai da qasa da sassavawar dare da rana, tabbas akwai ayoyi ga ma’abota hankula. [Ali Imran: 189-190]

Duniya gabaxayanta tana gudana ne bisa wani tsari mai ban-mamaki wanda ba ya kaucewa. Don haka duk wanda zai yi tuntuntuni, to zai fahimci cewa, a cikin hakan akwai wata qudira da take gudanar da ita wadda ta qarfin qudirar mutum.

Ana ganin haqiqanin gaskiya ne tun kafin ma a faxeta da baki.

#Hasken_Hujja

Ba da daxewa ba za Mu nuna musu ayoyinmu a cikin nahiyoyi da kuma a kan kawunansu har sai sun gane cewa lalle shi (Alqur’ani) gaskiya ne. Yanzu bai ishe ka ba game da Ubangijinka cewa Shi lalle Mai shaida ne a kan komai? [Fussilat: 53]

Duk lokacin da ka yi tunani game da halittar duniya, hakanan duk lokacin da ka kalli kanka, za ka ji cewa lallai gaskiya ba a nesa take ba a kusa take.

Akwai wata voyayyiyar murya da take yi maka jagora zuwa ga samun yaqini, kai dai kawai ka buxe mata zuciyarka.

#Hasken_Gaskiya

Ba da daxewa ba za Mu nuna musu ayoyinmu a cikin nahiyoyi da kuma a kan kawunansu har sai sun gane cewa lalle shi (Alqur’ani) gaskiya ne. Yanzu bai ishe ka ba game da Ubangijinka cewa Shi lalle Mai shaida ne a kan komai? [Fussilat: 53]

A cikin kowane yanayi na sassan duniya, hakanan a cikin kowane bugun zuciyarka akwai wata alama da take ce maka, ba fa kai kaxai ba ne.

Allah yana nuna maka abin da kake buqata don ka san hanya.

#Shiriyar_Zuciya.

Wanda Ya halicci sammai bakwai hawa-hawa; ba za ka ga wata tangarxa cikin halittar (Allah) Mai rahama ba. Ka maimaita dubanka, shin za ka ga wata tsaga? [Mulk: 3]

Ya isheka ka yi duba zuwa halittar sammai don ka ga irin tsarin da aka xorasu a kai wanda babu wata tawaya da ta haxu dashi.

Halitta ce da aka kyautata, tana yi maka raxa da cewa, Hannun Allah Mai rahama, babu tawaya a tattare da shi.

#Ayoyin_Sammai

Wanda Ya halicci sammai bakwai hawa-hawa; ba za ka ga wata tangarxa cikin halittar (Allah) Mai rahama ba. Ka maimaita dubanka, shin za ka ga wata tsaga? [Mulk: 3]

Yayin da za ka qara mayar da ganinka zuwa sama bayan wanda ka yi a baya, ba za ka tava ganin wata tawaya ko rashin tsari ba a tattare da halittarta ba.

Don haka duniya gaba xayanta tana baka labari cewa, wanda ya halicceta cikakke ne cikin abin da ya halitta.

#Kyautata_Halitta

Waxanda kuwa suka nisanci bautar xagutu, suka kuma koma ga Allah, suna da albishir (na Aljanna). To ka yi wa bayina aibishir. Waxanda suke sauraron magana sai su bi mafi kyawunta, waxannan su ne waxanda Allah Ya shiriya, kuma waxannan su ne ma’abota hankula. [Zumar: 17-18]

A yayin da mutum ya tsarkake zuciyarsa daga dukkan abin da zai iya vatar dashi, ya koma zuwa ga Allah komawa ta gaskiya, to Allah zai buxe masa qofa, ya kuma lulluve shi da bushara, ya kuma ja shi zuwa ga mafi tsaftar hanyar gaskiya.

#Shiriyar_Haske

Waxanda kuwa suka nisanci bautar xagutu, suka kuma koma ga Allah, suna da albishir (na Aljanna). To ka yi wa bayina aibishir. Waxanda suke sauraron magana sai su bi mafi kyawunta, waxannan su ne waxanda Allah Ya shiriya, kuma waxannan su ne ma’abota hankula. [Zumar: 17-18]

Shiriya ba ta wanda yake yawan saurare ba ce, a’a shiriya ta wanda yake iya bambance alheri ne, ya kuma yi riqo da mafi kyawunsa.

Irin waxannan su ne waxanda Allah ya ba su hankali tsaftatacce da basirar da ba ta kauce wa hanyar gaskiya.

#Tsaftatacciyar_Basira

Shin ba za su yi zuzzurfan tunani game da ayoyin Alqur’ani ba ne? Kuma da a ce ya kasance daga wajen wani yake ba Allah ba, tabbas da sun sami savani mai yawa a cikinsa. [Nisa’i: 82]

Aya xaya a cikin Alqur’ani ta isa buxe qofar haske. Kuma duk wanda ya yi tuntuntuni game da ita da gaske zai ga tsarin da xan’adam ba zai iya kawo shi ba.

#Tuntuntuni_Na Gaskiya

Shin ba za su yi zuzzurfan tunani game da ayoyin Alqur’ani ba ne? Kuma da a ce ya kasance daga wajen wani yake ba Allah ba, tabbas da sun sami savani mai yawa a cikinsa. [Nisa’i: 82]

Gaskiya ba ta buqatar ado, ya isheka kawai ka yi tunani game da ita domin gane mavuvvugarta daga Allah take.

Ba za a tava samun littafin da babu savani a cikinsa ba, sai dai idan daga Allah yake.

#Hasken_Alqur’ani

“(Su ne) waxanda suka yi imani, zukatansu kuma suna nutsuwa da ambaton Allah. Ku saurara, da ambaton Allah ne zukata suke nutsuwa. [Ra’ad: 28]

Akwai lokutan da zuciya da ba za ta nutsu ta daina raurawa ba a cikinsu, har sai bawa ya ambaci Ubangijinsa, to a lokacin ne nutsuwa za ta dawo, ya zamana kamar dama tana dakon kira ne.

#Nutsuwar_Zuciya.

“(Su ne) waxanda suka yi imani, zukatansu kuma suna nutsuwa da ambaton Allah. Ku saurara, da ambaton Allah ne zukata suke nutsuwa. [Ra’ad: 28]

Samun hutu ba a cikin canjin yanayi yake ba, sai dai yana cikin alaqar zuciya da Ubangijinta. Don haka yayin da za a ambaci Allah, to dukkan abin da ya rikice a cikin ran mutum zai nutsu ya dawo hayyacinsa.

#Hasken_Nutsuwa

Ya kuma arzuta shi ta inda ba ya tsammani. Duk wanda kuma ya dogara ga Allah to Shi Ya ishe shi. Lalle Allah Mai zartar da al'amarinsa ne. Haqiqa kuma Allah Ya sanya iyaka ga kowane abu. [Xalaq: 3]

Arziqi yana zuwa ta inda mutum ba ya tsammani. Don haka idan ka dogara ga Allah da gaske, to Allah zai isar maka, ya ba ka sama da abin da kake fatan ka samu.

#Ka Aminta_Da Allah

Ya kuma arzuta shi ta inda ba ya tsammani. Duk wanda kuma ya dogara ga Allah to Shi Ya ishe shi. Lalle Allah Mai zartar da al'amarinsa ne. Haqiqa kuma Allah Ya sanya iyaka ga kowane abu. [Xalaq: 3]

Duk wanda ya miqa lamarinsa ga Allah, to zai ga qofofin alheri suna ta buxe masa ba tare da wani sababi na zahiri ba.

Kowane abu yana wurin Allah da ma’auni kyautatacce da iyakar da ba za ta sauya ba.

#Arziqi_Da Qaddara.