Islami Addini na amana da alhaki

Lalle mun bijiro da amana ga sammai da qasa da duwatsu sai suka qi xaukarta suka ji tsoronta, sai kuwa mutum ya xauke ta; lalle shi (mutum) ya kasance mai yawan zalunci ne, mai yawan jahilci.” Ahzab: 72

Ka yi tuntuntuni game da girman amana wadda sammai da kasa da duwatsu suka ki yarda su dauketa...amma a haka mutum ya karbeta, sai dai shi mai yawan zalintar kansa ne, mai yawan jahiltar karshen lamarinsa ne.

#Tuntuntuni #Alqur’ani

Lalle mun bijiro da amana ga sammai da qasa da duwatsu sai suka qi xaukarta suka ji tsoronta, sai kuwa mutum ya xauke ta; lalle shi (mutum) ya kasance mai yawan zalunci ne, mai yawan jahilci.” Ahzab: 72

Amana nauyi ne mai girma da Allah ya bijirar dashi ga manyan halittu, amma suka ki yarda su karba, amma dan’adam yayi jara’a ya dauketa!

Shin mun san kuwa hakikanin amanar da muka dauka a wuyayanmu?

#Amana

Lalle Allah Yana umartar ku da ku mayar da amanoni ga masu su, kuma idan za ku yi hukunci a tsakanin mutane, to ku yi hukunci da adalci. Lalle kam madalla da abin da Allah Yake muku wa’azi da shi. Lalle Allah Ya kasance Mai ji ne, Mai gani.

Amana ba tasarrufin mutum ba ne kawai, a’a ita ma’aunin yarda ce da ma’aunin daidaituwa a kan addini.

Yayin da za ka bayar da amana yadda ya kamata, to kana dasa aminci ne a zukatan wadanda suke kewaye da kai.

#Dabi’un Musulunci

Lalle Allah Yana umartar ku da ku mayar da amanoni ga masu su, kuma idan za ku yi hukunci a tsakanin mutane, to ku yi hukunci da adalci. Lalle kam madalla da abin da Allah Yake muku wa’azi da shi. Lalle Allah Ya kasance Mai ji ne, Mai gani.

Adalci ba ya bukatar matsayi, a’a yana bukatar lafiyayyar zuciya ne.

Nauyi kuma ba ya saukuwa sai ta hanyar bayar da amana yadda ya kamata.

Ka zamo adali, ka zamo amintacce, sai ka zamo kusa da zukatan mutane da kuma gaskiya.

#Dabi’un Musulmi

Ya ku wadanda suka yi imani, kada ku ha’inci Allah da Manzo, (kada) kuma ku ha’inci amanoninku alhali kuna sane. Anfal: 27

Yana daga cikin mafi girman ha’inci ka tozarta amanar daka san a kanka take.

Mumini na gaskiya ba ya ha’intar wanda ya yarda dashi, ba kuma ya yin sakaci cikin abin da aka amintar dashi a kansa.

#Dabi’a_Amana

Ya ku wadanda suka yi imani, kada ku ha’inci Allah da Manzo, (kada) kuma ku ha’inci amanoninku alhali kuna sane. Anfal: 27

Ha’inci yana yin suka ga amincin da aka yi wa mutum, yana kuma karya zukata, yana kuma zubar da kwarjini.

Kada ka yi ha’inci cikin abin da aka dora maka nauyinsa, don kowace amana watarana za a tambayeka game da ita.

#Tsaftace-Niyya

Kuma ka tuna sa'adda Ubangijinka Ya ce da mala'iku: “Lalle ni zan sanya wani halifa a bayan qasa.” Suka ce: “Yanzu za Ka sanya mata wanda zai yi varna a cikinta kuma ya zubar da jini, alhali ga mu muna tasbihi tare da gode Maka, kuma muna tsarkake Ka?” (Allah) Ya ce: “Ni fa tabbas Na san abin da ku ba ku sani ba.”. Baqara: 30

Halifanci a bayan kasa nauyi ne, ba karramawa ba ce kadai.
An halicci mutum don ya gina duniya, ba don ya batata ba, don ya tsayar da adalci ba don ya zubar da jini ba.
Ka zamo halifa na gaskiya kamar yadda Allah yake so ka zama.

#Aikin_Mutum

Kuma ka tuna sa'adda Ubangijinka Ya ce da mala'iku: “Lalle ni zan sanya wani halifa a bayan qasa.” Suka ce: “Yanzu za Ka sanya mata wanda zai yi varna a cikinta kuma ya zubar da jini, alhali ga mu muna tasbihi tare da gode Maka, kuma muna tsarkake Ka?” (Allah) Ya ce: “Ni fa tabbas Na san abin da ku ba ku sani ba.”. Baqara: 30

Ba matsayinka bane abin lura, a’a abin lura shi ne abin da kake aikatawa da matsayin.
An halicceka don wani babban sako. Shin za ka zamo cikin masu gyara ko za ka zamo cikin masu varna.
Kai halifa ne a bayan kasa...Don haka kada ka ci amana.

#Gina_Duniya

Allah ne wanda Ya hore muku kogi don jiragen ruwa su riqa gudu a cikinsa da umarninsa, don kuma ku nema daga falalarsa don kuma ku gode. Ya kuma hore muku abin da yake cikin sammai da abin da yake cikin qasa gaba xayansu daga gare Shi. Lalle a game da wannan tabbas akwai ayoyi ga mutanen da suke yin tunani. Jasiya: 12-13

Jiragen ruwa da suke gudu a cikin kogi, tunatarwa ce garemu game da girman Allah, wanda ya hore mana komai a wannan duniyar.

Mu gode wa Allah bisa ni’imominsa wadanda ba za su lissafu ba, ba kuma za su qididdigu ba.

#Gode wa_Allah

Allah ne wanda Ya hore muku kogi don jiragen ruwa su riqa gudu a cikinsa da umarninsa, don kuma ku nema daga falalarsa don kuma ku gode. Ya kuma hore muku abin da yake cikin sammai da abin da yake cikin qasa gaba xayansu daga gare Shi. Lalle a game da wannan tabbas akwai ayoyi ga mutanen da suke yin tunani. Jasiya: 12-13

Dukkan abin da ke sama da kasa horewar Allah ne garemu. Muyi kokari wurin neman arziqi, mu kuma gode wa ni’imominsa.

Yin tuntuntuni cikin ayoyin Allah zai bude mana kofofin sanin kimar abubuwa da ilimi.

#Tuntuntuni_a cikin_ Duniya

Sannan bayansu Muka mayar da ku madadinsu a bayan kasa don Mu ga me za ku aikata. Yunus: 14

Haqiqa Allah ya sanyamu mu zamo halifofi a bayan kasa don mu zamo dalilin rayata, ba dalilin rusata ba.

Ya ya za mu yi da wannan amanar wadda hannun Allah ya dorata a hannayenmu?

#Amana_Duniya

Sannan bayansu Muka mayar da ku madadinsu a bayan kasa don Mu ga me za ku aikata. Yunus: 14

Babbar jarrabawa a wannan rayuwar ita ce, ya ya za mu yi tasarrufi a duniyar da Allah ya hore mana ita.

Raya kasa yana farawa ne ta hanyar kyautata aiki.

#Nauyin dake kanmu_a_ Duniya

Wanda ya yi kyakkyawan aiki namiji ko mace alhali shi yana mumini, to lalle za Mu raya shi rayuwa mai daxi, kuma za Mu saka musu ladansu da mafi kyan abin da suka kasance suna aikatawa. Nahl: 97.

Rayuwa mai dadi ba wai tana zuwa ne daga dukiya ko alfarma ba, a’a tana zuwa ne ta dalilin imani da ayyuaka nagari.

Dukkan wani aiki nagari, karami ne ko babba, za a rubuta maka lada mai girma a wurin Allah idan ka aikata shi.

#Rayuwa_Mai daxi

Wanda ya yi kyakkyawan aiki namiji ko mace alhali shi yana mumini, to lalle za Mu raya shi rayuwa mai daxi, kuma za Mu saka musu ladansu da mafi kyan abin da suka kasance suna aikatawa. Nahl: 97.

Mumini yana samun rayuwa mai dadi ne ba don abin da yake mallaka ba, sai don abin da yake aikatawa na kyakkyawan aiki.

Idan kayi aiki da gaskiya da imani, to kana da sakamakon da ba za kwatanta shi da aikinka ba.

#Aiki_Nagari

Lalle wadanda suka yi imani suka kuma yi ayyuka nagari to Aljannar Firdausi ita ce ta kasance masaukinsu. Suna masu dawwama a cikinta, ba sa neman wani musaya da ita. Kahfi: 107-108

Ba a bayar da Aljannar Firdaus sai ga wanda yayi imani yayi ayyuka nagari. Sakamako ne wanda ba za a iya kwatanta shi da dukiya ko matsayi ba. Lalle ita (Firdausi) Aljanna ce ta dawwama ga wanda ya kasance a kan tafarki ingantacce.

#Aljannar_Firdaus

Dukkan aiki nagari wanda zai kusantar da kai zuwa Aljannar Firdausi koda taqi daya ne, ta yadda ba za a musanyata ba ko a a juyar da kai ga barinta, to wannan ni’ima ce ta har abada.

Lalle ita ce rayuwa ta hakika wadda bata buqatar musaye.

#Dawwama_a_Aljanna

Don haka sai ka tsaya totar kamar yadda aka umarce ka kai da wadanda suka tuba tare da kai, kada kuwa ku wuce iyaka. Lalle Shi (Allah) Mai ganin abin da kuke aikatawa ne. Hud: 112

Tsayuwa a kan ingantaccen tafarki ba zabi bane, a’a umarni ne daga Allah.

Ci gaba da tafiyarka tare da yin tuba, kada ka ba wa bata damar batar da kai.

#Tsayuwa a kan_Gaskiya

Don haka sai ka tsaya totar kamar yadda aka umarce ka kai da wadanda suka tuba tare da kai, kada kuwa ku wuce iyaka. Lalle Shi (Allah) Mai ganin abin da kuke aikatawa ne. Hud: 112

Kada ka wuce iyaka a cikin aikinka, lalle Allah ya ganin abin da kake aikatawa.

Ka tsayu a kan abin da aka umarceka, da sannu za ka samu tsira a duniya da lahira. Tuba_Tsayuwa a kan tafarki madaidaici

Lalle wadanda suka ce: “Allah ne Ubangijinmu”, sannan suka tsaya kyam, to mala’iku za su sauko musu (lokacin mutuwa suna cewa): “Kada ku tsorata, kuma kada ku yi baqin ciki, kuma ku yi farin ciki da Aljanna wadda kuka kasance ana yi muku alkawarinta. “Mu masoyanku ne a rayuwar duniya da kuma ta lahira; kuma a cikinta (Aljanna) za ku sami duk abin da rayukanku suke marmari, za kuma ku sami duk abin da kuke nema a cikinta. Fussilat: 30-31

Tsayuwa a kan imani yana baka aminci a zuciyarka da aminci a lahira, da kuma Aljannar da za a cika maka dukkan burikanka a lahira.

Ka tuna; mala’iku fa na tare da kai a kowane lokaci.

#Tsayuwa a kan_Imani

Lalle wadanda suka ce: “Allah ne Ubangijinmu”, sannan suka tsaya kyam, to mala’iku za su sauko musu (lokacin mutuwa suna cewa): “Kada ku tsorata, kuma kada ku yi baqin ciki, kuma ku yi farin ciki da Aljanna wadda kuka kasance ana yi muku alkawarinta. “Mu masoyanku ne a rayuwar duniya da kuma ta lahira; kuma a cikinta (Aljanna) za ku sami duk abin da rayukanku suke marmari, za kuma ku sami duk abin da kuke nema a cikinta. Fussilat: 30-31

Duk wanda ya tsayu a kan gaskiya, Allah zai yi masa albishir da Aljannar da ba zai nemi wani abu a cikinta ya rasa ba.

Mala’iku suna kiransa don samun nutsuwa, suna yi masa alkawari da dukkan abin da yake marmari a duniya da lahira.

#Aljanna_Tsayuwa a Tafarki madaidaici